傢俬已經正式完成安裝，每日坐响梳化，再望住全屋嘅傢俬，尤其係全組電視櫃，就覺得自己同老公當初選擇「靚靚屋」係正確的，真心覺得設計&手工都做得好靚，好想真心多謝你哋 其實當初在會展展場見到「靚靚屋」的展覽區時，都怕哩間設計公司會唔會只係宣傳過大，收費一定貴到驚人，所以只抱住好奇的心態聽一聽Sales嘅介紹

當日安排了Fanny同我哋講解，佢好詳盡向我哋介紹公司的作品，同埋了解我哋新屋嘅設計方向，而且Fanny亦好落力幫我哋向公司爭取最好嘅優惠，最終我哋就決定選用「靚靚屋」

Allen就正式開始接手負責我哋新居嘅設計工作，初初都好擔心會唔會同當日簽單「講一套；做一套」完全唔同，但經過幾次坐低傾講後，我哋同Allen都磨合得好好，佢好明白我哋嘅需要，加上佢嘅專業建議，所以在沒有壓力下，幫我哋設計出心目中嘅理想家居，雖然都唔係每一樣都可以做到最perfect，但响我哋嘅有限資金底下，都能夠造出dream home已經好滿意

另外，在設計過程中，都要多謝Phoebus仔細量度新居的尺寸，同埋提點我哋訂造傢俬時需要特別留意的事項，以致減低尺寸出現太多誤差的風險

最後，都好想衷心表揚幫我哋裝砌傢俬嘅堅師傅，在佢帶領下嘅團隊每位成員都好有禮貌，分工合作快手快腳幫我哋裝砌全屋傢俬，在過程中，每當我哋表示有疑問時，堅師傅都會好細心聆聽＆即時作出回應，盡力幫我哋解決問題，完全沒有表現不耐煩或敷衍草草了事，當問題未能即時作出處理時，佢都會幫我哋向公司反映，之後再幫我哋用其他方法將問題解決